Warning: Smarty error: unable to read resource: "ferghana_uz.conf" in /usr/local/lib/php/Smarty/Smarty.class.php on line 1094
Россия: Петербургда Қирғизистон ва Ўзбекистоннинг 10 нафар фуқароси террорчиларни ёллагани учун ҳибсга олинди — ИА «Фергана» — мобильная версия

Россия: Петербургда Қирғизистон ва Ўзбекистоннинг 10 нафар фуқароси террорчиларни ёллагани учун ҳибсга олинди

Фарғона

Санкт-Петербургда Қирғизистон ва Ўзбекистоннинг ўн нафар фуқароси террорчиларни ёллашда гумон билан икки ойга ҳибсга олинди. Уларнинг саккиз нафари 7 апрель куни ва яна икки киши 16 апрель куни қўлга олинганди. Уларнинг ҳаммасига Россия Жиноят кодексининг 205.1 моддасининг 1 қисмида кўзда тутилган (“Террорчилик фаолиятига кўмак бериш”) жиноятлар бўйича айблов қўйилмоқда. Улар беш йилдан ўн йилгача озодликдан маҳрум этилишлари ҳамда 500 минг рубль миқдорида жаримага тортилишлари мумкин.

Санкт-Петербург шаҳар Октябрь райони суди матбуот хизматининг маълумотига кўра, Ўзбекистон фуқаролари Жўрабек Муратов ва Феруз Инақов, Қирғизистон фуқаролари Баходир Мадрахимов, Шухрат Сатымбаев, Атабек Рустамов, Азизбек Рустамов, Ойбек Уулу Исламбек, Искандер Нурбаев, Айжигит Айтматов 4 июнгача қамоққа олиндилар. Қирғизистоннинг яна бир фуқароси Обид Абдыраимов 13 июнгача ҳибсга олинган.

“Қўлга олинганлар Россияда, хусусан, Петербург ва Ленинград областида терактларни амалга ошириш ёки Суриядаги жанггавор ҳаракатларда “Ислом давлати” тарафида иштирок этиш учун жўнатиш фаолияти билан шуғулланганлар”, - дея қарор матнини ўқиди Октябрь район судяси Ирина Керро.

Россия тергов қўмитасидагиларнинг қайд этишича, уларнинг 3 апрель куни Петербург метросида содир этилган портлашга алоқаси йўқ.

Қайд этиш жоиз, гумонланувчиларнинг ҳаммаси Whatsapp ва Viber мессенжерлари орқали суҳбатлар ёрдамида аниқланган.

“Фарғона” халқаро ахборот агентлиги

© 1998—2017 ИА «Фергана»

Письмо в редакцию

Полная версия

Создание © 2012 Алекс Шатловский