Warning: Smarty error: unable to read resource: "ferghana_uz.conf" in /usr/local/lib/php/Smarty/Smarty.class.php on line 1094
Ўзбекистон: Миллий университетда иккинчи олий таълимни сиртқи бўлимда олиш имконияти пайдо бўлди — ИА «Фергана» — мобильная версия

Ўзбекистон: Миллий университетда иккинчи олий таълимни сиртқи бўлимда олиш имконияти пайдо бўлди

Фарғона

Ўзбекистон миллий университети иккинчи олий таълимни олишни истаганлар учун сиртқи бўлим очди, деб хабар беради Газета.Уз ЎзМУ матбуот хизматига таянган ҳолда.

Сиртқи таълим биология, геология ва география, журналистика, ижтимоий фанлар, иқтисодиёт, кимё, математика, физика, тарих ва хорижий филология факультетларида 36 йўналиш бўйича таклиф этилмоқда.

Кириш учун ҳужжатлар (жумладан олий таълим тўғрисидаги диплом) 20 августга қадар қабул комиссияга топширилиши лозим. Комиссиядан «Газета.uz"га хабар қилинишича, катта эҳтимол билан фақатгина суҳбатдан ўтказилади.

Эслатиб ўтамиз, Ўзбекистон Мустақиллигининг дастлабки йиллари пойтахтдаги талабалар шаҳарчасида ўтган норозилик намойишлари ортидан мамлакатнинг биринчи президенти Ислом Каримов Тошкентдаги барча олий таълим муассасаларида таҳсил олаётган вилоятлик талабаларни ўз вилоятларига қайтариб юборган ҳамда мамлакатдаги барча олий таълим муассасаларида босқичма-босқич талабалар сонини қисқартириш билан бирга сиртқи ва кечки таълим олиш тизимларини тугатган эди.

“Фарғона” халқаро ахборот агентлиги

© 1998—2017 ИА «Фергана»

Письмо в редакцию

Полная версия

Создание © 2012 Алекс Шатловский